მესამე სამეცნიერო კონფერენციაზე „განათლება, ტექნოლოგიები და ინოვაცია“ მთავარი მომხსენებლი „ევროპის უნივერსიტეტის“ პროფესორი, მასწავლებელთა პროფესიული განვითარების ეროვნული ცენტრის გეოგრაფიის და მდგრადი განვითარების ექსპერტ/კონსულტანტი, გეოგრაფიის დოქტორი, მაია ბლიაძე იქნება.

პროფესორი მაია ბლიაძე ისაუბრებს თემაზე: „განათლების როლი მდგრადი განვითარების მიზნებისთვის“.

საერთაშორისო კონფერენცია „განათლება, ტექნოლოგიები და ინოვაცია“ ორგანიზებულია ევროპის უნივერსიტეტის მიერ ქუთაისის უნივერსიტეტთან თანამშრომლობით. კონფერენცია 2023 წლის 15 დეკემბერს ონლაინ ფორმატში (ZOOM-ის პლატფორმის გამოყენებით) გაიმართება.

კონფერენციის მიზანია განათლების პროფესიონალების, მკვლევრების, ექსპერტების და პოლიტიკის შემქმნელებისთვის საერთო პლატფორმის შეთავაზება, სადაც ისინი შეძლებენ იდეების გაზიარებას სწავლა-სწავლების საუკეთესო პრაქტიკების შესახებ და, ამ გზით, ხელს შეუწყობენ სწავლა-სწავლების არსებული სტრატეგიების გაუმჯობესებასა და განვითარებას როგორც სასკოლო, ისე უმაღლესი განათლების საფეხურზე.

კონფერენციაზე მომხსენებლად რეგისტრაციისთვის საჭიროა აბსტრაქტის წარმოდგენა არაუგვიანეს 2023 წლის 20 ნოემბრისა.

მომხსენებლად რეგისტრაციისთვის: https://iceti.eu.edu.ge/presenter/  

მსმენელად რეგისტრაციისთვის: https://iceti.eu.edu.ge/listener/#

კონფერენციის შესახებ დეტალური ინფორმაცია: https://iceti.eu.edu.ge/