"ევროპის უნივერსიტეტს" და "პლოვდივის უსაფრთხოებისა და ეკონომიკის უმაღლესი სკოლას" (ბულგარეთი) შორის ურთიერთთანამშრომლობის მემორანდუმი გაფორმდა.

ხელშეკრულება ერთობლივი კვლევითი და საგანმანათლებლო პროექტების განხორციელებას და სტუდენტებისა თუ აკადემიური/ადმინისტრაციული პერსონალის მობილობის ხელშეწყობას ისახავს მიზნად.

აღსანიშნავია, რომ თანამშრომლობის კუთხით პირველი ნაბიჯები უკვე გადაიდგა და 2023 წლის "ერაზმუს+"  კრედიტების საერთაშორისო მობილობის პროგრამის ფარგლებში, მხარეთა მიერ ერთობლივი განაცხადი მომზადდა.

"პლოვდივის უსაფრთხოებისა და ეკონომიკის უმაღლესი სკოლა" "ევროპის უნივერსიტეტისთვის" ბულგარეთში რიგით მეოთხე პარტნიორია.