სამართლის საბაკალავრო პროგრამის სტუდენტებისთვის ვორკშოპი თემაზე "გახდი ნოტარიუსი 1 დღით" ჩატარდა
26 დეკემბერს, "ევროპის უნივერსიტეტში" სამართლის, ჰუმანიტარულ და სოციალურ მეცნიერებათა ფაკულტეტის ორგანიზებით, სამართლის საბაკალავრო პროგრამის სტუდენტებისთვის ვორკშოპი თემაზე "გახდი ნოტარიუსი 1 დღით" ჩატარდა.
ვორკშოპს "ევროპის უნივერსიტეტის" მოწვეული ლექტორი, ნოტარიუსი ხატია ბერიძე უძღვებოდა.
თავდაპირველად, მონაწილეებს ჩაუტარდათ პრეზენტაცია თემაზე: "როგორ გავხდეთ ნოტარიუსი", რის შემდეგაც, მათ მოირგეს ნოტარიუსის როლი და შეასრულეს სხვადასხვა სახის პრაქტიკული სამუშაოები, როგორებიცაა, ნასყიდობის ხელშეკრულების დამოწმება, ანდერძის დამოწმება, მინდობილობის შედგენა და ა.შ.
სტუდენტებს მონაწილეობის დამადასტურებელი სერტიფიკატები გადაეცათ.
