"ევროპის უნივერსიტეტის" სტომატოლოგიურ კლინიკა EU Dent-ში დევნილი მოსახლეობა უფასო მომსახურებას მიიღებს
დღეიდან აფხაზეთიდან დროებით დევნილი მოსახლეობა “ევროპის უნივერსიტეტის” საუნივერსიტეტო სტომატოლოგიურ კლინიკა EU Dent-ში უფასო სტომატოლოგიურ მომსახურებას მიიღებს.
აღნიშნულ შეთანხმებას "ევროპის უნივერსიტეტის“ სტომატოლოგიურ საუნივერსიტეტო კლინიკა EU Dent-სა და აფხაზეთის ჯანმრთელობის და სოციალური დაცვის სამინისტროს შორის გაფორმებული მემორანდუმი ითვალისწინებს.
მემორანდუმს “ევროპის უნივერსიტეტის” სტომატოლოგიის ფაკულტეტის დეკანმა და კლინიკა EU Dent-ის დირექტორმა სოფიო სამხარაძემ და აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა ლაშა ქარდავამ მოაწერს ხელი.
მემორანდუმის თანახმად, აფხაზეთიდან დროებით დევნილი 60 წელს გადაცილებული მოქალაქეები EU Dent-ში უფასოდ მიიღებენ შემდეგ მომსახურებას:
- კბილის დაბჟენა
- პაროდონტის დაავადებათა მკურნალობა
- პულპიტისა და პერიოდონტიტის მკურნალობა
- კბილების ექსტრაქცია
"ევროპის უნივერსიტეტი" სოციალური პასუხისმგებლობის ფარგლებში ზრუნავს მოწყვლადი ჯგუფების კეთილდღეობაზე. აღნიშნული თანამშრომლობის მიზანია დევნილი მოსახლეობის მხარდაჭერა და მათთვის ჯანდაცვის ხელმისაწვდომობის ზრდა.