„ევროპის უნივერსიტეტის" სტუდენტთა ინიციატივით და „სტუდენტთა და კურსდამთავრებულთა მომსახურების ცენტრისა“  და სტუდენტური თვითმმართველობის ორგანიზებით მინი ფეხბურთის ჩემპიონატი გაიმართა. 

ფინალური ეტაპის შემდეგ ჩემპიონატში სამი გამარჯვებული გუნდი გამოვლინდა.

პირველი ადგილი საერთაშორისო სტუდენტებისგან შემდგარმა გუნდმა „Al-Nashama“-მ მოიპოვა, მეორე ადგილზე ქართველი სტუდენტებით დაკომპლექტებული გუნდი „ურობოროსი“ გავიდა, მესამე ადგილი კი ასევე საერთაშორისო სტუდენტების გუნდმა „Ittihad“-მა დაიკავა.

გამარჯვებული გუნდები შესაბამისი თასებითა და სითი მოლის ვაუჩერებით დაჯილდოვდნენ.

2023/24 სასწავლო წელს „ევროპის უნივერსიტეტში“ მინი ფეხბურთის შიდა ტურნირი ორჯერ გაიმართა. შეჯიბრში მონაწილეობა ჯამში 300-ზე მეტმა ქართველმა და უცხოელმა სტუდენტმა მიიღო.