10-14 ივნისს, "ევროპის უნივერსიტეტის" ბიზნესისა და ტექნოლოგიების ფაკულტეტის პროფესორი თეა თოდუა "ერაზმუს+" პროგრამის ფარგლებში ველიკო ტარნოვოს წმინდა კირილესა და წმინდა მეთოდეს უნივერსიტეტს (ბულგარეთი) ესტუმრა.

სამუშაო ვიზიტის ფარგლებში თეა თოდუა შეხვდა უნივერსიტეტის ადმინისტრაციის თანამშრომლებსა და აკადემიურ პერსონალს. შეხვედრაზე განიხილეს ერთობლივი სამეცნიერო პროექტების განხორციელების შესაძლებლობები და პერსპექტივები.

"ევროპის უნივერსიტეტის" პროფესორმა სტუდენტებისთვის არდუინოზე დაპროგრამებაზე ლექციები ჩაატარა.

აღსანიშნავია, რომ მსგავსი ინიციატივები მნიშვნელოვანია აკადემიური პერსონალის უნარებისა და ცოდნის გაღრმავების, ინოვაციების ხელშეწყობისა და საერთაშორისო თანამშრომლობის გაღრმავების თვალსაზრისით.