"ევროპის უნივერსიტეტს" და "ნიშის  უნივერსიტეტს" (სერბეთი) შორის ურთიერთთანამშრომლობის მემორანდუმი გაფორმდა.

ხელშეკრულება ერთობლივი კვლევითი და საგანმანათლებლო პროექტების განხორციელებას და სტუდენტებისა თუ აკადემიური/ადმინისტრაციული პერსონალის მობილობის ხელშეწყობას ისახავს მიზნად.

აღსანიშნავია, რომ თანამშრომლობის კუთხით პირველი ნაბიჯები უკვე გადაიდგა და 2023 წლის ერაზმუს+  კრედიტების საერთაშორისო მობილობის პროგრამის ფარგლებში, მხარეთა მიერ ერთობლივი განაცხადი მომზადდა.

"ნიშის უნივერსიტეტს" ნახევარსაუკუნოვანი ისტორია აქვს და სერბეთში მეცნიერების, ხელოვნებისა და ცოდნის გაზიარების ცენტრს წარმოადგენს.