„ევროპის უნივერსიტეტის“ აფილირებული პროფესორი ლარისა მელია მეანობა-გინეკოლოგიის დეპარტამენტის ხელმძღვანელად დაინიშნა.

ის მედიცინის მეცნიერებათა დოქტორი, აკად.ო.ღუდუშაურის კლინიკის მეან-გინეკოლოგი და გინეკოლოგიური განყოფილების გამგეა.

ლარისა მელია ფასილიტატორის, ორგანიზატორისა და მონაწილის რანგში ჩართულია სხვადასხვა ტრენინგ-კურსებსა თუ სემინარებში, როგორებიცაა:

• „თანამედროვე მიდგომები ურგენტული გინეკოლოგიის პრაქტიკაში“ - კარლ შტორცის საერთაშორისო სასწავლო ცენტრი
• „რეპროდუქტოლოგიური და ქირურგიული გინეკოლოგიის სიახლეები“ - საქართველოს გაერთიანებული ენდოსკოპისტთა ასოციაცია
• „საქართველოს მეან-გინეკოლოგ-პერენატოლოგთა VIII საერთაშორისო კონგრესი“ - საქართველოს ჯანდაცვის სამინისტრო
• „დედიდან ბავშვზე აივ/შიდსის და სიფილისის გადაცემის ელიმინაციის საკითხები“ - შიდსის მალარიას და ტუბერკულოზთან ბრძოლის გლობალური ფონდის პროექტი

მან მოხსენება წარადგინა 2016 წელს თემაზე “ვულგარული პემფიგუსი” მაასტრიხში, პერინატალური მედიცინის მე-17-ე კონგრესზე, 2017 წელს დედისა და ნაყოფის მსოფლიო პირველ კონგრესზე, ლონდონში - „ვოლფრამის სინდრომი და წარმატებული ორსულობა“ და თბილისში, ამიერკავკასიის კონგრესზე „დაბალმოლეკულური ჰეპარინის გამოყენება სამეანო პრაქტიკაში“.

ლარისა მელიას სახელთან დაკავშირებულია არაერთი ნაშრომი, კვლევა თუ სტატია, რომელიც პრესტიჟულ უცხოურ და ადგილობრივ ჟურნალებშია გამოქვეყნებული.