თბილისში სამეცნიერო კვლევით ცენტრ "რადიქსის" მეთორმეტე თბილისის საერთაშორისო სტომატოლოგიური კონგრესი გაიმართა, რომელიც მედიცინის მომიჯნავე სფეროებსაც მოიცავდა. 

კონფერენციაში, რომელიც Pullman Tbilisi Axis Towers-ში ჩატარდა, "ევროპის უნივერსიტეტის“ მედიცინის ფაკულტეტმა მიიღო მონაწილეობა. 

კონგრესს მედიცინის ფაკულტეტის დეკანი ნათია ჯოჯუა, სტომატოლოგიის პროგრამის ხელმძღვანელი სოფიო სამხარაძე და მედიცინის ფაკულტეტის სტუდენტები დაესწრნენ.

ფაკულტეტის დეკანის მოადგილემ ლაშა დოლიძემ ღონისძიებაზე წარადგინა თემა: "პირველი დახმარება გულის გაჩერების და სასუნთქი გზების ობსტრუქციის დროს (ლექცია და დემონსტრაცია)". 

კონფერენციის ფარგლებში კონგრესზე "ევროპის უნივერსიტეტის“ კუთხე წარმოდგენილი იყო გულის გაჩერების მულაჟით, სადაც მსურველებს საშუალება ჰქონდათ გულ-ფილტვის რეანიმაცია პრაქტიკულად გაეკეთებინათ.