„ევროპის უნივერსიტეტსა“ და „ბაქოს საინჟინრო უნივერსიტეტს“ შორის თანამშრომლობის მემორანდუმი გაფორმდა
„ევროპის უნივერსიტეტსა“ და „ბაქოს საინჟინრო უნივერსიტეტს“ (აზერბაიჯანი) შორის ურთიერთთანამშრომლობის მემორანდუმი გაფორმდა.
ხელშეკრულება ერთობლივი კვლევითი და საგანმანათლებლო პროექტების განხორციელებას და სტუდენტებისა თუ აკადემიური/ადმინისტრაციული პერსონალის მობილობის ხელშეწყობას ისახავს მიზნად.
აღსანიშნავია, რომ „ევროპის უნივერსიტეტი“ და „ბაქოს საინჟინრო უნივერსიტეტი“ ერაზმუს მუნდუსის საერთაშორისო პროექტის - „ნელი ტურიზმის მენეჯმენტის“ (STM) - ფარგლებში უკვე თანამშრომლობენ. მემორანდუმზე ხელმოწერით კი, მხარეები პროექტს მიღმა პარტნიორობის გაფართოებაზე გამოთქვამენ მზადყოფნას.
„ბაქოს საინჟინრო უნივერსიტეტი“ ფლობს არაერთ ლაბორატორიას, რომლებიც აღჭურვილია ყველა საჭირო თანამედროვე ტექნიკა-დანადგარით და ტექნოპარკს, სადაც სტუდენტებს საკუთარი სტარტაპების წამოწყება შეუძლიათ.