"ევროპის უნივერსიტეტის" მედიცინის ფაკულტეტის სტუდენტებისათვის მედიკოს სტუდენტთა ასოციაციების საერთაშორისო ფედერაციის (IFMSA) აქტივობების შესახებ შეხვედრა გაიმართა. 

შეხვედრას საქართველოს მედიკოს სტუდენტთა ასოციაციის (GMSA) პრეზიდენტი თინათინ კუჭუხიძე უძღვებოდა.

სტუდენტებს IFMSA-ის პროგრამების, მუდმივმოქმედი და ლოკალური კომიტეტების, ასევე ბოლო წლებში განხორციელებული და სამომავლოდ დაგეგმილი აქტივობების შესახებ მიეწოდათ ინფორმაცია. 

პრეზენტაციის შემდეგ სტუდენტებს საშუალება ჰქონდათ მათთვის საინტერესო კითხვები დაესვათ და პასუხები მიეღოთ.