ევროპის უნივერსიტეტში, Მედიცინის ფაკულტეტზე, სტუდენტთა მსოფლიო ორგანიზაციის - IFMSA-ის (International Federation of Medical Students’ Association) გაცვლით პროექტში მონაწილეობისთვის დიპლომირებული მედიკოსის პროგრამის სტუდენტთა შესარჩევი კონკურსი გაიმართა.

აღნიშნული პროექტი გულისხმობს მონაწილე ქვეყნებიდან (იტალია, მოლდოვა, სერბეთი, უნგრეთი, რუმინეთი, პერუ) ერთ-ერთში სტუდენტის მიერ 2021-2022 წელს ერთთვიან (28 დღე) კლინიკური პრაქტიკის გავლას. 

კონკურსის შედეგად ევროპის უნივერსიტეტის დიპლომირებული მედიკოსის პროგრამის 6 სტუდენტი შეირჩა: ალიკია ჩიპურუპალი - იტალია, საჰიშნუტა სურიაკანტ დეშმუხი - უნგრეთი, რიიტ აგარუალი - რუმინეთი, უპალ რავიშა - პერუ, ჯოჯი ჯინსი მარია - სერბეთი და რიშუ - მოლდოვა.

პროექტის თანახმად, საქართველოდან მივლინებულ ევროპის უნივერსიტეტის სტუდენტებს ექვსი ქვეყანა უმასპინძლებს, საქართველოში კი სტუდენტები ამ ქვეყნებიდან ჩამოვლენ.

აღნიშნული პროექტის ფარგლებში ევროპის უნივერსიტეტი იღებს ვალდებულებას კლინიკური პრაქტიკა დაუგეგმოს მასპინძელი ქვეყნების წარმომადგენელ 6 სტუდენტს. უნივერსიტეტი დაფარავს პროექტის ფარგლებში ჩამოსული უცხოელი სტუდენტების კლინიკური პრაქტიკის და ასევე საცხოვრებელ ხარჯებს, რის საფუძველზეც ევროპის უნივერსიტეტის სტუდენტები გათავისუფლებული იქნებიან მასპინძელ ქვეყანაში კლინიკური პრაქტიკის საფასურის და საცხოვრებელი ხარჯისგან.