ნიკოლოზ ფარჯანაძე

ნიკოლოზ ფარჯანაძე არის ევროპის უნივერსიტეტის ვიცე-რექტორი საერთაშორისო ურთიერთობების მიმართულებით და პროფესორი განათლების მიმართულებით. როგორც აკადემიური პერსონალი, იგი ევროპის უნივერსიტეტთან თანამშრომლობს 2021 წლიდან.

ნიკოლოზს აქვს დოქტორის ხარისხი ფილოლოგიაში ანგლო-ამერიკული ენათმეცნიერების სპეციალობით (2010) და მაგისტრის ხარისხი განათლების ლიდერობასა და მენეჯმენტში, რომელიც მან მოიპოვა ლონდონის უნივერსიტეტის განათლების ინსტიტუტში (ამჟამად, ლონდონის საუნივერსიტეტო კოლეჯის (UCL) განათლების ინსტიტუტი) როგორც ბრიტანეთის მთავრობის ჩივნინგის სტიპენდიანტმა (2008).

მისი ასევე მნიშვნელოვანი აკადემირუი მიღწევაა ფულბრაიტის მკვლევართა პრესტიჟული ჯილდოს მოპოვება, რომლის ფარგლებშიც 2019 წელს სტუმრობდა არკანზასის უნივერსიტეტს უმაღლესი განათლების ინტერნაციონალიზაციის კვლევის მიზნით.

2021-2024 წლებში ნიკოლოზი ხელმძღვანელობდა უმაღლესი განათლების ხარისხის უზრუნველყოფის სამსახურს განათლების ხარისხის განვითარების ეროვნულ ცენტრში და მონაწილეობდა უნივერსიტეტების ხარისხის უზრუნველყოფის მექანიზმების ფორმირებაში საქართველოს მასშტაბით.

ნიკოლოზს აქვს საქართველოს და საზღვარგარეთის უნივერსიტეტებში ორ ათწლეულზე მეტი პედაგოგიური გამოცდილება და ასწავლის სასწავლო კურსებს ბაკალავრიატის, მაგისტრატურის და დოქტორანტურის საფეხურებზე: ენათმეცნიერების შესავალი, განათლების ლიდერობა და მენეჯმენტი, განათლების პოლიტიკა და სოციოლოგია და განათლების კვლევის მეთოდები. მისი კვლევის ობიექტია განათლების ლიდერობა, მენეჯმენტი და უმაღლესი განათლების ხარისხის უზრუნველყოფა.