საგამოცდო ცენტრი

საგამოცდო ცენტერის ფუნქციებია:

• სტუდენტების შეფასების პროცესის ობიექტურობის, სანდოობისა და გამჭვირვალობის უზრუნველყოფა უნივერსიტეტში ერთიანი, ცენტრალიზებული საგამოცდო სისტემის შექმნისა და დანერგვის გზით;
• საგამოცდო პროცესის სრულად და თანმიმდევრულად ორგანიზება, რაც მოიცავს საგამოცდო განრიგის შედგენას, საგამოცდო სივრცეების მომზადებას და მიმდინარე გამოცდების მონიტორინგს მათი შეუფერხებელი მიმდინარეობის უზრუნველყოფის მიზნით;
• საგამოცდო მასალების მკაცრი კონფიდენციალობის შენარჩუნება, აკადემიური პერსონალის მიერ შესაბამისი საგამოცდო მასალების საგამოცდო ცენტრისთვის მიწოდების პროცესისა და საგამოცდო პროცესის ფორმატის სტანდარტიზების უზრუნველყოფა შესაბამის ფაკულტეტებთან მჭიდრო თანამშრომლობით;
• ძირითადი გამოცდების დასრულების შემდეგ სააპელაციო პროცესის ზედამხედველობა, სტუდენტების მიერ შედეგების გასაჩივრების პროცესის გამჭვირვალობისა და სამართლიანობის უზრუნველყოფის მიზნით შესაბამის ფაკულტეტებთან მჭიდრო თანამშრომლობა და პროცესის კოორდინირება;
• საგამოცდო პროცესის გაუმჯობესების მიზნით, გამოცდების სრული ციკლის მონიტორინგი და ანალიზი, პრევენციული ზომების დაგეგმვა და განხორციელება, პრაქტიკის დახვეწის მიზნით შესაბამისი რეკომენდაციების შემუშავება და რელევანტური ღონისძიებების გატარება;
• სტუდენტებისთვის, პედაგოგებისა და უნივერსიტეტის შესაბამისი სტრუქტურული ერთეულებისთვის საგამოცდო პროცედურებისა და საგამოცდო მოდულის გამოყენების შესახებ სახელმღვანელო დოკუმენტის შექმნა და პერიოდული განახლება;
• ტრენინგებისა და სამუშაო შეხვედრების ორგანიზების გზით სტუდენტებთან, პედაგოგებთან და ადმინისტრაციასთან თანმიმდევრული კომუნიკაცია საგამოცდო პროცესების შესახებ ყველა დაინტერესებული მხარის სრულფასოვანი ინფორმირების მიზნით;
• გამოცდების შედეგების აღრიცხვისა და დოკუმენტირების პროცესის ხელშეწყობა, რაც გულისხმობს ოფიციალური შეფასების უწყისების მართვას, სტუდენტების შეფასების ბაზების მონიტორინგსა და ადმინისტრირების პროცესის ხელშეწყობას.