“ევროპის უნივერსიტეტმა” ტოკატ გაზიოსმანფაშას უნივერსიტეტის (თურქეთი) ასისტენტ პროფესორ გონჩა კურტს უმასპინძლა, რომელმაც სტუდენტებისთვის საჯარო ლექცია ჩაატარა თემაზე: “ციფრული წიგნიერება და ტექნოლოგიური მიღწევები ჯანდაცვის სფეროში”.
ლექციაზე განხილული იყო თანამედროვე ჯანდაცვის სისტემებში ციფრული ტექნოლოგიების როლი და მათი გავლენა სამედიცინო სერვისების ხარისხზე. ასისტენტ პროფესორმა გ.კურტმა ხაზი გაუსვა ციფრული წიგნიერების მნიშვნელობას, როგორც ჯანდაცვის სფეროს პროფესიონალებისთვის, ასევე პაციენტებისთვის, რათა მათ შეძლონ ტექნოლოგიური პროგრესის სრული პოტენციალის გამოყენება.
ლექციის დასასრულს ასისტენტ პროფესორმა გონჩა კურტმა მადლობა გადაუხადა “ევროპის უნივერსიტეტს” მასპინძლობისთვის და სამომავლო თანამშრომლობის სურვილი გამოთქვა.
“ევროპის უნივერსიტეტი” საერთაშორისო ექსპერტების მოწვევას და მსგავსი სახის საგანმანათლებლო ინიციატივების ხელშეწყობას მომავალშიც გააგრძელებს.
