სრულად დაფინანსებული Erasmus+ შერეული ინტენსიური პროგრამა (BIP) ევროპის უნივერსიტეტის სტუდენტებისთვის
“ევროპის უნივერსიტეტის” სტუდენტებისთვის Erasmus+ შერეული ინტენსიური პროგრამის (BIP) ფარგლებში ცხადდება კონკურსი “ენნა კორეს უნივერსიტეტში” (სიცილია, იტალია).
ერთკვირიანი მობილობა სრულად დაფინანსებულია Erasmus+ ფარგლებში.
ინტერდისციპლინარული სასწავლო პროგრამა ორგანიზებულია ენნა კორეს უნივერსიტეტის მიერ პარტნიორ უნივერსიტეტებთან თანამშრომლობით:
- University of Seville (ესპანეთი)
- University of Córdoba (ესპანეთი)
- University of Lodz (პოლონეთი)
- Dokuz Eylül University (თურქეთი)
- NOVA University (სლოვენია)
პროგრამის ფარგლებში განსაკუთრებული ყურადღება დაეთმობა კიბერსივრცეში წარმოშობილ ახალ საფრთხეებს, ხელოვნური ინტელექტის (AI) განვითარებასთან დაკავშირებულ შესაძლებლობებსა და გამოწვევებს, ასევე, კლიმატის ცვლილებით გამოწვეულ აქტუალურ საკითხებს.
ვაკანტური ადგილების რაოდენობა: 10
პროგრამის განხორციელების თარიღები:
- სავალდებულო ვირტუალური კომპონენტი: 5-6 მაისი, 2026
- ფიზიკური მობილობა იტალიაში: 11-15 მაისი, 2026
სამიზნე აუდიტორიას წარმოადგენენ სტუდენტები, რომლებიც ირიცხებიან შემდეგ პროგრამებზე:
- ბიზნესის ადმინისტრირების საბაკალავრო პროგრამა(ქართულენოვანი/ინგლისურენოვანი);
- კომპიუტერული მეცნიერების საბაკალავრო პროგრამა;
- ვეტერინარიის ინტეგრირებული სამაგისტრო პროგრამა.
სასწავლო პროგრამა სრულად დაფინანსებულია Erasmus+ ფარგლებში, რომელიც მოიცავს:
- დღიურ სტიპენდიას – 79 ევროს ოდენობით
- მგზავრობის ხარჯების ანაზღაურებას – 395 ევროს ოდენობით
პროგრამაში მონაწილეობის მსურველი სტუდენტი უნდა აკმაყოფილებდეს შემდეგ მოთხოვნებს:
- ჰქონდეს ევროპის უნივერსიტეტის აქტიური სტუდენტის სტატუსი;
- ფლობდეს ინგლისურ ენას მინიმუმ B2 დონეზე;
- ჰქონდეს აკადემიური მოსწრება (GPA) არანაკლებ 2.5;
- ჰქონდეს დასრულებული მინიმუმ ერთი სემესტრი.
დაინტერესებულმა სტუდენტებმა, აუცილებელია, წარმოადგინონ ელექტრონული განაცხადი, შემდეგ დოკუმენტებთან ერთად:
- რეზიუმე (CV) – ინგლისურ ენაზე;
- ნიშნების ფურცელი (GPA მითითებით) -ინგლისურ ენაზე;
- ინგლისური ენის B2 დონეს დამადასტურებელი სერტიფიკატი (ასეთის არსებობის შემთხვევაში);
- პასპორტის / პრადობის მოწმობის სკანირებული ვერსია;
- მოწყვლად ჯგუფთან მიკუთვნებულობის დამადასტურებული დოკუმენტი (ასეთის არსებობის შემთხვევაში)
მონაწილეთა შეფასება და შერჩევა განხორციელდება სტუდენტთა საერთაშორისო გაცვლით და მობილობის პროგრამებში მონაწილეობის წესის მიხედვით; გთხოვთ, განაცხადის შევსებამდე გაეცნოთ დოკუმენტს: http://bit.ly/4kXeM8Q
დაინტერესებულმა კანდიდატებს გთხოვთ, სრული განაცხადი ატვირთოთ შემდეგ ბმულზე, არაუგვიანეს 13 მარტისა: https://forms.gle/axCyj4gNKU8jsTyC6
დამატებითი კითხვების შემთხვევაში მოგვმართეთ საერთაშორისო ურთიერთობების სამსახურის ელ.ფოსტაზე: international.office@eu.edu.ge
