2 აპრილს “ევროპის უნივერსიტეტის” კონსტიტუციის სახელობის იმიტირებულ სასამართლო დარბაზში, სამართლის, ჰუმანიტარულ და სოციალურ მეცნიერებათა ფაკულტეტის დეკანის მოადგილე და ფაკულტეტზე მოქმედი სამართლებრივი დახმარების ცენტრის ხელმძღვანელი, ასოცირებული პროფესორი, ადვოკატი ოთარ კაჭკაჭაშვილი სამართლის საბაკალავრო პროგრამის სტუდენტებს შეხვდა.
შეხვედრის ფარგლებში მან სამართლებრივი დახმარების ცენტრის საქმიანობის ანგარიში წარადგინა, ასევე, განიხილა ცენტრის მომავალი მიზნები და გეგმები.
სამართლებრივი დახმარების ცენტრი ფაკულტეტის ბაზაზე 2023 წლის სექტემბრიდან აქტიურად ფუნქციონირებს, მის საქმიანობაში სხვადასხვა კურსის სტუდენტები არიან ჩართული.
ცენტრის საქმიანობის ფარგლებში სტუდენტები უსასყიდლოდ უწევენ იურიდიულ კონსულტაციას დაინტერესებულ პირებს, მათი მოთხოვნის შემთხვევაში, ადგენენ სამართლებრივ დოკუმენტებს, სარჩელებს, მონაწილეობენ მოლაპარაკების პროცესში და სხვა.
