გაცვლითი პროგრამა სტუდენტებისთვის

ერაზმუს+ საერთაშორისო კრედიტ-მობილობის პროგრამა განკუთვნილია „ევროპის უნივერსიტეტის“ ყველა საფეხურის სტუდენტისათვის და წარმოადგენს უნიკალურ შესაძლებლობას საერთაშორისო აკადემიური გამოცდილების მისაღებად. პროგრამის ფარგლებში, სტუდენტებს ეძლევათ საშუალება, ერთი ან ორი სემესტრი ისწავლონ ჩვენს პარტნიორ ევროპულ უმაღლეს საგანმანათლებლო დაწესებულებებში და დააგროვონ პროგრამისათვის საჭირო კრედიტები. 

ევროპის უნივერსიტეტს ერაზმუს+ კრედიტ მობილობის ფარგლებში აქტიური თანამშრომლობა 27 ქვეყნის 74 უნივერსიტეტთან აქვს. აქტივობის ფარგლებში, ახალი კოლაბორაციების დაფინანსება ხდება ყოველწლიურად და პარტნიორების რიცხვი ხასიათდება მზარდი ტენდენციით.

2024-2025 აკადემიური წლისათვის, ევროპის უნივერსიტეტი ორმხრივ მობილობებს განახორციელებს ერაზმუს+ პროგრამულ 21 ქვეყნის 51 უნივერსიტეტთან:

საერთაშორისო მობილობის კონკურსი სტუდენტებისთვის ცხადდება ყოველი სემესტრის დასაწყისში, ოქტომბრისა და თებერვლის პერიოდში. შერჩევის პროცედურა მოიცავს შემდეგ ეტაპებს:

➔    დაინტერესებული სტუდენტი ავსებს ელექტრონულ სარეგისტრაციო ფორმას;

➔ პირველ ეტაპზე, განიხილება განაცხადის შესაბამისობა საკონკურსო მოთხოვნებთან;

➔ შემდგომ ეტაპზე, დგინდება სტუდენტის ინგლისური ენის კომპეტენციის დონე (B2):

◆    შიდა ტესტირება (მოსმენა, წერა, კითხვა, ლაპარაკი)

◆    საერთაშორისოდ აღიარებული სერტიფიკატი

➔ მესამე ეტაპზე კანდიდატი ფასდება აკადემიური მოსწრების, ენის კომპეტენციისა და გასაუბრების საფუძველზე:

◆ აკადემიური მოსწრება - მაქს. 10 ქულა (ქულა გამოითვლება სტუდენტის GPA-ს 2.5-ზე გამრავლებით)

◆ ენის კომპეტენცია - მაქს. 10 ქულა (B2 – 5 ქულა; C – 10 ქულა)

◆  გასაუბრება:  

• მოტივაცია - მაქს. 10 ქულა
• პიროვნული მზაობა - მაქს. 10 ქულა
• კომუნიკაციის უნარები/თვითპრეზენტაციის უნარი - მაქს. 10 ქულა

➔ უმაღლესი შეფასების მქონე  კანდიდატი წარედგინება მასპინძელ უნივერსიტეტს, საბოლოო შერჩევის მიზნით. აპლიკანტმა უნდა დააგროვოს მაქსიმალური  50-დან მინიმუმ 30 ქულა იმისათვის, რომ მისი კანდიდატურა განხილულ იქნეს ნომინირებისთვის

საერთაშორისო გაცვლით და მობილობის პროგრამებში მონაწილე სტუდენტების შერჩევის პროცესის შესახებ დეტალური ინფორმაცია შეგიძლიათ იხილოთ “საერთაშორისო მობილობის პროგრამაში მონაწილეობის წესში”.

სტუდენტებისათვის ყოველთვიური სტიპენდიის ოდენობა განსაზღვრულია ევროკომისიის მიერ; თითოეული მასპინძელი ქვეყნისათვის განსაზღვრული ყოველთვიური სტიპენდიის ოდენობა იხილეთ ქვემოთ მოცემულ ცხრილში:

*2024 წლის დაფინანსებული პროექტებისთვის

მგზავრობა

ერაზმუს+ სტიპენდია დამატებით მოიცავს მგზავრობის ხარჯების ანაზღაურებას. სამგზავრო სტიპენდიის ოდენობა გამოითვლება მშობლიურ და მასპინძელ საუნივერსიტეტო ქალაქებს შორის არსებული ფიზიკური დისტანციის გათვალისწინებით.

დისტანციის გამოსათვლელ კალკულატორი შეგიძლიათ იხილოთ აღნიშნულ ბმულზე.*

*2024 წლის დაფინანსებული პროექტებისთვის