გაცვლითი პროგრამები პერსონალისთვის
ერაზმუს+ საერთაშორისო კრედიტ-მობილობის პროგრამა განკუთვნილია „ევროპის უნივერსიტეტის” აკადემიური და ადმინისტრაციული პერსონალისთვის და წარმოადგენს სწავლა-სწავლებისა და კვლევის ინტერნაციონალიზაციის უზრუნველყოფის ერთ-ერთ მთავარ მექანიზს. პროგრამის ფარგლებში, პერსონალს ეძლევა პროფესიული განვითარების შესაძლებლობა პარტნიორ ევროპულ უნივერსიტეტში სწავლების ან/და ტრენინგის გავლის საშუალებით.
ევროპის უნივერსიტეტს ერაზმუს+ კრედიტ მობილობის ფარგლებში აქტიური თანამშრომლობა აქვს 27 ქვეყნის 74 უნივერსიტეტთან. აქტივობის ფარგლებში, ახალი კოლაბორაციების დაფინანსება ხდება ყოველწლიურად და პარტნიორების რიცხვი ხასიათდება მზარდი ტენდენციით.
2024-2025 აკადემიური წლისათვის, “ევროპის უნივერსიტეტი” ორმხრივ მობილობებს განახორციელებს ერაზმუს+ პროგრამულ 21 ქვეყნის 51 უნივერსიტეტთან:
აკადემიური და ადმინისტრაციული პერსონალისთვის საერთაშორისო მობილობის კონკურსი ცხადდება ყოველ სემესტრში, ნოემბრისა და მარტის პერიოდებში. შერჩევის პროცედურა მოიცავს შემდეგ ეტაპებს:
- დაინტერესებული კანდიდატი ავსებს ელექტრონულ სარეგისტრაციო ფორმას.
- პირველ ეტაპზე, განიხილება განაცხადის შესაბამისობა საკონკურსო მოთხოვნებთან.
- შემდგომ ეტაპზე, დგინდება ინგლისური ენის კომპეტენციის დონე:
- შიდა ტესტირება
- საერთაშორისოდ აღიარებული სერტიფიკატი
- სწავლების მიზნით მობილობის კანდიდატების შესარჩევი კონკურსი საჩვენებელი ლექციის წაყვანას, ხოლო ტრენინგ ვიზიტის განხორციელების მსურველთათვის დაგეგმილი აქტივობების პრეზენტაციას გულისხმობს;
- საუკეთესო შეფასების მქონე კანდიდატი წარედგინება მასპინძელ უნივერსიტეტს, საბოლოო შერჩევის მიზნით.
შერჩევისა და გამარჯვებულთათვის საჭირო დოკუმენტაციის მომზადების შესახებ დეტალური ინფორმაცია შეგიძლიათ იხილოთ “საერთაშორისო მობილობის პროგრამაში მონაწილეობის წესში.”
სტიპენდია/გრანტი
აკადემიური და ადმინისტრაციული პერსონალისათვის ყოველდღიური სტიპენდიის ოდენობა განსაზღვრულია ევროკომისიის მიერ; თითოეული მასპინძელი ქვეყნისათვის განსაზღვრული ყოველდღიური სტიპენდიის ოდენობა იხილეთ ქვემოთ მოცემულ ცხრილში:
*2024 წლის დაიფინანსებული პროექტები
ქვეყნები | ყოველდღიური გრანტის რაოდენობა |
ავსტრია, ბელგია, დანია, საფრანგეთი, გერმანია, ფინეთი, ისლანდია, ირლანდია, იტალია, ლიხტენშტაინი, ლუქსემბურგი, ჰოლანდია, ნორგვეგია, შვედეთი | 190 € |
კვიპროსი, ჩეხეთი, ესტონეთი, საბერძნეთი, ლატვია, მალტა, პორტუგალია, სლოვაკეთი, სლოვენია, ესპანეთი | 170 € |
ბულგარეთი, ხორვატია, უნგრეთი, ლიეტუვა, ჩრდილოეთ მაკედონია, პოლონეთი, რუმინეთი, სერბეთი, თურქეთი | 148 € |
მგზავრობა
ერაზმუს+ სტიპენდია დამატებით მოიცავს მგზავრობის ხარჯების ანაზღაურებას. სამგზავრო სტიპენდიის ოდენობა გამოითვლება მშობლიურ და მასპინძელ საუნივერსიტეტო ქალაქებს შორის არსებული ფიზიკური დისტანციის გათვალისწინებით.
დისტანციის გამოსათვლელ კალკულატორი შეგიძლიათ იხილოთ აღნიშნულ ბმულზე. *
*2024 წლის დაიფინანსებული პროექტები
დისტანცია | ანაზღაურება |
100 – 1999 კმ | 309 € |
2000 – 2999 კმ | 395 € |
3000 – 3999 კმ | 580 € |
4000 – 7999 კმ | 1188 € |
