“ევროპის უნივერსიტეტში” მეცნიერ ქალთა და გოგონათა საერთაშორისო დღე აღინიშნა

11 თებერვალს “ევროპის უნივერსიტეტში” მეცნიერ ქალთა და გოგონათა საერთაშორისო დღე აღინიშნა.

“ევროპის უნივერსიტეტის“ რექტორი ნინო ტალიაშვილი და ვიცე-რექტორი ხარისხის განვითარების მიმართულებით სოფიო ხუნდაძე უნივერსიტეტის აკადემიურ პერსონალს შეხვდნენ, რომლებიც აქტიურად არიან ჩართული სამეცნიერო საქმიანობაში.

რექტორმა ნინო ტალიაშვილმა დამსწრეებს მადლობა გადაუხადა გაწეული შრომისთვის. ვიცე-რექტორმა სოფიო ხუნდაძემ ისაუბრა SCOPUS-ის საერთაშორისო რეფერირებად ჟურნალების ბაზაში მათ მიერ გამოქვეყნებული ნაშრომების მნიშვნელობაზე.

დარგის განვითარებაზე ზრუნვა და ახალი ცოდნის შექმნა მნიშვნელოვანია არა მხოლოდ უნივერსიტეტისთვის, არამედ მთლიანი საზოგადოებისთვის, რისი ხელშეწყობაც “ევროპის უნივერსიტეტის” ერთ-ერთი მთავარი პრიორიტეტია.