კონტაქტი

 

საკონტაქტო ინფორმაცია:

  • ელ-ფოსტა:  tatia.dolidze@eu.edu.ge
  • ტელეფონი: +995 032 2 000 171 (123)

 

თათია დოლიძე ევროპის უნივერსიტეტის ხელმძღვანელობას 2019 წლის ივნისში შემოუერთდა. ამჟამად უნივერსიტეტში იგი იკავებს საერთაშორისო ურთიერთობების მიმართულებით როგორც სასწავლო პროგრამის, ისე ოფისის ხელმძღვანელის პოზიციას. ამავდროულად, თათია დოლიძეს ევროპის უნივერსიტეტში მიენიჭა აფილირებული ასისტენტ-პროფესორის აკადემიური ხარისხი და საერთაშორისო ურთიერთობების პროგრამაზე უძღვება რამდენიმე სასწავლო კურსს.  

თათია დოლიძე ფლობს თბილისის სახელმწიფო უნივერსიტეტის ბაკალავრის ხარისხს (წარჩინებით) საერთაშორისო ურთიერთობებში, მაასტრიხტის უნივერსიტეტის (ჰოლანდია) მაგისტრის ხარისხს (Cum Laude) ევროპათმცოდნეობაში და არის ევროპული სწავლების ინგლისურენოვანი პროგრამის დოქტორანტი თსუ-სთან არსებული ევროპული სწავლების ინსტიტუტში.

სწავლის სამივე საფეხურზე თათია დოლიძეს ჰქონდა მოპოვებული შესაბამისი სტიპენდია: *100%-იანი სასწავლო გრანტი და პრეზიდენტის სტიპენდია აკადემიური მოსწრებისთვის (თსუ); ფონდი ღია საზოგადოების და მაასტრიხტის უნივერსიტეტის ერთობლივი გრანტი (მაასტრიხტი, ჰოლანდია); ევროკავშირის გრანტი სამეზობლო პოლიტიკის ინსტრუმენტის ფარგლებში (IES, TSU). 

სხვადასხვა დროს სასტიპენდიო პროგრამების ფარგლებში სწავლობდა ასევე ვილნიუსის უნივერსიტეტში, ლიეტუვა [ერთი სემესტრი] (ერასმუს მუნდუსი); ბილგის უნივერსიტეტში სტამბული, თურქეთი [საზაფხულო სკოლა] (ფონდი ღია საზოგადეობის წინა-სამაგისტრო გრანტი); სიენას უნივერსიტეტში, იტალია [ერთი ტრიმესტრი] (იტალიის საგარეო საქმეთა სამინისტროს გრანტი); მასარიკის უნივერსიტეტში, ჩეხეთი [ერთი აკადემიური წელი} (ერასმუს მუნდუსი). 

თათია დოლიძემ პედაგოგიური საქმიანობა (პროფესორის ასისტენტი) 2014 წელს სწორედ მასარიკის უნივერსიტეტში დაიწყო და უკვე 2015 წლიდან კითხულობს ლექციებს თბილისის სახელმწიფო უნივერსიტეტში [ბაკალავრიატისა და მაგისტრატურის საფეხურებზე]. სემესტრულად თანამშრომლობს კავკასიის უნივერსიტეტთანაც და სხვადასხვა საგანმანათლებლო პროექტის ფარგლებში უძღვება ტრენინგებს საჯარო გამოსვლების ხელოვნებაში. 

სტუდენტობისას თათია სოციალურად აქტიური იყო, როგორც ევროპის ახალგაზრდული პარლამენტის ეროვნული კომიტეტის წევრი. ბაკალავრის სტუდენტობის პერიოდში მან პრაქტიკები გაიარა საქართველოს საგარეო საქმეთა სამინისტროში, საქართველოს ფინანსთა სამინისტროში და იტალიაში ტურინის AIESEC-ის ადგილობრივ კომიტეტში. მაგისტრატურაზე სწავლის დროს კი მაასტრიხტის უნივერსიტეტის სხვა სტუდენტებთან ერთად, თათიამ წვლილი შეიტანა ონლაინ ანალიტიკური პლატფორმა “Beyond the EU” განვითარებაში, სადაც წერდა და რედაქტირებას უწევდა სტატიებს ევროპული პოლიტიკის განხრით. 

თათია დოლიძეს სხვადასხვა დროს ეკავა შემდეგი სამსახურეობრივი პოზიციები: *საერთაშორისო ურთიერთობების დეპარტამენტის უფროსი მრჩეველი საქართველოს ეროვნული უშიშროების საბჭოს აპარატში; *საქართველოს ახალგაზრდობის წარმომადგენელი გაეროში; *ევროკავშირის საგარეო ურთიერთობების განყოფილების მკვლევარი ევროპული პოლიტიკის სწავლებების ცენტრში [CEPS] (ბრიუსელი, ბელგია); *კონტრაქტორი ევროპარლამენტში, ევროპული საპარლამენტო კვლევითი სერვისის გენერალურ დირექტორატში (ბრიუსელი, ბელგია). არის არაერთი კვლევისა თუ მედია პუბლიკაციის ავტორი და საქართველოს პოლიტიკის ინსტიტუტის (GIP) აფილირებული ანალიტიკოსი.

თათია ქართულის გარდა გამართულად საუბრობს ინგლისურ, ფრანგულ, იტალიურ და რუსულ ენებზე. საშუალო დონეზე იცის ესპანური ენაც.

 

 

 

 

 

 

გააზიარე გვერდი: