კერძო სამართლის სამაგისტრო პროგრამა

რატომ ევროპის უნივერსიტეტის კერძო სამართლის სამაგისტრო პროგრამა?

კერძო სამართლის სამაგისტრო პროგრამა უზრუნველყოფს კონკურენტუნარიანი, მაღალკვალიფიციური, შრომის ბაზარზე მოთხოვნადი კომპეტენციებითა და მაღალი აკადემიური სტანდარტებით აღჭურვილი კადრების მომზადებას.

პროგრამის სასწავლო გეგმა მოიცავს კერძო სამართლის მოთხოვნად მიმართულებებს, როგორებიცაა შედარებითი საკორპორაციო სამართალი, მოლაპარაკება და მედიაცია კერძოსამართლებრივ დავებში, სამოქალაქო პროცესის პრაქტიკუმი და სხვა. აღნიშნულის გარდა, არჩევითი საგნები დაკომპლექტებულია კერძო სამართლის მიმართულებით პრაქტიკულ უნარებზე ორიენტირებული სასწავლო კურსებით, მათ შორის შრომითი, სადაზღვევო და საბანკო დავების შესახებ. ასევე, პროგრამა მოიცავს ინგლისურენოვან სასწავლო კომპონენტებსაც. სასწავლო კურსებს უძღვებიან დარგის მიმართულების მაღალკავლიფიციური პროფესიონალები.

სასწავლო პროგრამის სავალდებულო ნაწილია იურიდიული პრაქტიკა,  რომელიც ხორციელდება მაღალი რეპუტაციის მქონე პარტნიორ ორგანიზაციებთან თანამშრომლობით. ამასთან, მაგისტრანტი, რომელსაც აქვს კერძო სამართლის მიმართულებით არანაკლებ 1-წლიანი სამუშაო გამოცდილება, შესაძლებელია გათავისუფლდეს იურიდიული პრაქტიკის კომპონენტისგან და მისთვის გათვალისწინებული კრედიტები დააკომპლექტოს საკუთარი ინტერესებით, არჩევითი საგნების კომპონენტიდან.

აღსანიშნავია, რომ ფაკულტეტი სისტემატურად უზრუნველყოფს სხვადასხვა ექსტრაკურიკურ აქტივობებს, როგორეიბცაა საჯარო ლექციები, ვორკშოპები და ტრენინგები, რაც მორგებულია მაგისტრანტების საჭიროებებზე. უნივერსიტეტს გააჩნია სამეცნიერო ბაზების ფართო არჩევანი, რაც მაგისტრანტებს ეხმარება სამაგისტრო ნაშრომზე მუშაობისას.  ფაკულტეტზე ფუნქციონირებს სამართლის ინსტიტუტი, რომელიც მაგისტრანტებს ეხმარება ჩაერთონ მიმდინარე სამეცნიერო-კვლევით საგრანტო პროექტებში, ადგილობრივ და საერთაშორისო კონფერენციებსა და სხვადასხვა სამეცნიერო ღონისძიებებში.

უნივერსიტეტი გამოირჩევა საერთაშორისო თანამშრომლობით. მაგისტრანტებს ეძლევათ შესაძლებლობა ჩაერთონ საერთაშორისო მობილობაში.

ერაზმუს+ საერთაშორისო კრედიტ-მობილობის პროგრამა განკუთვნილია „ევროპის უნივერსიტეტის“ ყველა საფეხურის სტუდენტისათვის და წარმოადგენს უნიკალურ შესაძლებლობას საერთაშორისო აკადემიური გამოცდილების მისაღებად. პროგრამის ფარგლებში, სტუდენტებს ეძლევათ საშუალება, ერთი ან ორი სემესტრი ისწავლონ ჩვენს პარტნიორ ევროპულ უმაღლეს საგანმანათლებლო დაწესებულებებში და დააგროვონ პროგრამისათვის საჭირო კრედიტები.


პროგრამის ხელმძღვანელი

  • ნონა ზუბიტაშვილი
  • nona.zubitashvili@eu.edu.ge

მიმაგრებული ფაილები