“ევროპის უნივერსიტეტში” საჯარო ლექცია – “კანონთან კონფლიქტში მყოფ არასრულწლოვანთა ფსიქოლოგიურ-სამართლებრივი ასპექტები” გაიმართა
26 მარტს, “ევროპის უნივერსიტეტში” საჯარო ლექცია თემაზე: “კანონთან კონფლიქტში მყოფ არასრულწლოვანთა ფსიქოლოგიურ-სამართლებრივი ასპექტები” გაიმართა.
ლექციას სამართლის დოქტორი, მოქმედი მოსამართლე და “ევროპის უნივერსიტეტის” მოწვეული ლექტორი ვლადიმერ წითლაური უძღვებოდა.
სპიკერმა სტუდენტებს და 58-ე საჯარო სკოლის მოსწავლეებს დეტალურად გააცნო არასრულწლოვანთა მართლმსაჯულების სისტემა, მისი ფსიქოლოგიური და სამართლებრივი თავისებურებები, გამოწვევები და პრევენციული მექანიზმები.
ღონისძიებას “ევროპის უნივერსიტეტის” სამართლის, ჰუმანიტარულ და სოციალურ მეცნიერებათა ფაკულტეტის დეკანი ეკა კაველიძე და დეკანის მოადგილე თამარ აზარიაშვილი ესწრებოდნენ.
ლექცია ინტერაქციულ ფორმატში მიმდინარეობდა, რაც მონაწილეებს საშუალებას აძლევდა, აქტიურად ჩართულიყვნენ დისკუსიაში, დაესვათ მათთვის საინტერესო შეკითხვები და მიეღოთ ამომწურავი პასუხები.
აღსანიშნავია, რომ მსგავსი საჯარო ლექციები ხელს უწყობს სტუდენტებისა და მოსწავლეების ცნობიერების ამაღლებას, კრიტიკული აზროვნების განვითარებასა და პროფესიული ინტერესის აღმოჩენას.
