ერაზმუს+ საერთაშორისო კრედიტ მობილობის პროგრამის ფარგლებში, “ევროპის უნივერსიტეტის” ბიზნესისა და ტექნოლოგიის ფაკულტეტის სტუდენტებისთვის სრულად დაფინანსებული ერაზმუს+ საერთაშორისო მობილობის კონკურსისთვის საბუთების მიღების ვადა გახანგრძლივდა.
ზოგადი ინფორმაცია ერაზმუს+ პროგრამის შესახებ იხილეთ ბმულზე.
საერთაშორისო გაცვლით და მობილობის პროგრამებში მონაწილე სტუდენტების შესარჩევი კონკურსი წარიმართება “საერთაშორისო მობილობის პროგრამაში მონაწილეობის წესის” მიხედვით, რომელსაც გაეცნობით ბმულზე.
კონკურსში მონაწილეობის მიღება შეუძლიათ სტუდენტებს, რომელიც აკმაყოფილებენ ქვემოთ ჩამოთვლილ წინაპირობებს:
ა) კონკურსის მიმდინარეობის პერიოდში კანდიდატი უნდა ირიცხებოდეს ევროპის უნივერსიტეტში და სარგებლობდეს აქტიური სტუდენტის სტატუსით;
ბ) საბაკალავრო ან ერთსაფეხურიანი საგანმანათლებლო პროგრამის სტუდენტს განაცხადის წარდგენის დროს დასრულებული უნდა ჰქონდეს მინიმუმ 1 სემესტრი;
გ) კანდიდატის აკადემიური მოსწრების საშუალო შეწონილი ქულა უნდა იყოს არანაკლებ 2.5 ქულისა;
დ) კანდიდატის მიერ განხორციელებულ და დაგეგმილ მობილობათა ჯამი ერთი საგანმანათლებლო საფეხურის განმავლობაში არ უნდა აღემატებოდეს 12 თვეს;
ე) კანდიდატი უნდა ფლობდეს ინგლისურ ენას (ან/და სხვა უცხო ენას, რომელზეც იგეგმება მობილობის განხორციელება) ერთიანი ევროპული სარეკომენდაციო ჩარჩოს (CEFR) შესაბამისად მინიმუმ B2 დონეზე;
აღნიშნულის დადასტურებას, სტუდენტი შეძლებს ინგლისური ენის დამადასტურებელი სერტიფიკატით ან “ევროპის უნივერსიტეტის” მიერ ორგანიზებული გამოცდის ჩაბარებით.
განაცხადის წარდგენა შესაძლებელია შემდეგი უნივერსიტეტებისათვის:
თითოეული უნივერსიტეტისათვის ინფორმაცია სასწავლო მიმართულების, საფეხურის, კურსებისა და სტიპენდიის დეტალების შესახებ ხელმისაწვდომია საინფორმაციო ბროშურებში.
გთხოვთ, ყურადღებით გაეცნოთ კონკრეტული უნივერსიტეტის ბროშურას შესაბამის ბმულზე გადასვლით:
• PXL გამოყენებით მეცნიერებათა და ხელოვნების უნივერსიტეტი (ბელგია)
• მიმართულება: ბიზნესის ადმინისტრირება, ტურიზმი (BA)
• ბუდაპეშტის მეტროპოლიტანის უნივერსიტეტი (უნგრეთი)
• მიმართულება: ბიზნესის ადმინისტრირება (BA)
• ზაგრების უნივერსიტეტი (ხორვატია)
• მიმართულება: ბიზნესის ადმინისტრირება (BA)
• GBSB ბიზნესის სკოლა (მალტა)
• მიმართულება: ბიზნესის ადმინისტრირება (BA)
• ხაენის უნივერსიტეტი (ესპანეთი)
• მიმართულება: ბიზნესის ადმინისტრირება (BA)
• ასპირას სიცოცხლის მეცნიერებათა უნივერსიტეტი (ხორვატია)
• მიმართულება: ბიზნესის ადმინისტრირება, ტურიზმი (BA)
• პირაეუსის უნივერსიტეტი (საბერძნეთი)
• მიმართულება: მენჯმენტი (MA)
საერთაშორისო ურთიერთობები (BA)
• ICD ბიზნესის სკოლა (საფრანგეთი)
• მიმართულება: ბიზნესის ადმინისტრირება (BA, მეორე სემესტრიდან)
კონკურსში მონაწილეობის მსურველებმა, გთხოვთ, შეავსოთ ელექტრონული განაცხადი, რომელიც ხელმისაწვდომია ბმულზე:
https://docs.google.com/forms/d/e/1FAIpQLSdsdfUUauKCr3UxMfrP6MpfwzrGRu9WjZRVInpAPp_y-iZWMw/viewform
განაცხადის ფორმა ივსება მხოლოდ ერთხელ და სტუდენტს აქვს უფლება დააფიქსიროს ინტერესი მაქსიმუმ სამი უნივერსიტეტისათვის.
განაცხადის ფორმაში უნდა წარმოადგინოთ:
- პირადობის მოწმობის/პასპორტის სკანირებული ვერსია;
- რეზიუმე (სასურველია Europass-ის ფორმატით);
- სასწავლო ბარათი საშუალო შეწონილი ქულის მითითებით;
- აქტიური სტატუსის დამადასტურებელი დოკუმენტი;
- ლექტორის მიერ გაცემული სარეკომენდაციო წერილი;
- მოწყვლადობის სტატუსის დამადასტურებელი დოკუმენტი (არსებობის შემთხვევაში);
- ინგლისური ენის კომპეტენციის დამადასტურებელი სერტიფიკატი (არსებობის შემთხვევაში).
შესარჩევი კონკურსი მოიცავს შემდეგ ეტაპებს:
I – წარმოდგენილი განაცხადის განხილვა და კონკურსთან შესაბამისობის დადგენა;
II – შეფასება
- ენის კომპეტენციის ტესტირება: მაქს. 10 ქულა (B2 – 5 ქულა; C1 – 10 ქულა)
- აკადემიური მოსწრება – მაქს. 10 ქულა (ქულა გამოითვლება სტუდენტის GPA-ს 2.5-ზე გამრავლებით)
III – გასაუბრება ინგლისურ ენაზე:
- მოტივაცია – მაქს. 10 ქულა
- პიროვნული მზაობა – მაქს. 10 ქულა
- კომუნიკაციის უნარები/თვითპრეზენტაციის უნარი – მაქს. 10 ქულა
განაცხადის წარდგენის ბოლო ვადა: 30 მარტი, 2025.
კითხვების შემთხვევაში, გთხოვთ, მიმართოთ საერთაშორისო ურთიერთობების სამსახურს:
International.office@eu.edu.ge
76 გურამიშვილის გამზირი, ოთახი 317
ტელ.: (995) 322 000 171 (Ext. 147)
