უცხოელ სტუდენტთა შერჩევისა და მიღების სამსახური

უცხოეულ სტუდენტთა შერჩევისა და მიღების სამსახურის ფუნქციებია:

• უნივერსიტეტის შესაბამისი სტრუქტურული ერთეულების საერთაშორისო სტატუსის მქონე სტუდენტების შერჩევის პროცესში მონაწილეობის მექანიზმების შემუშავება და დანერგვა სტუდენტების მოზიდვის ეფექტური პოლიტიკის და მიდგომების უზრუნველყოფის მიზნით;
• საერთაშორისო სტუდენტების შერჩევის სრული პროცესის ორგანიზება, განაცხადების მიღების, პირველადი შეფასების და ჩარიცხვის ყველა ასპექტის კოორდინირება;
• პოტენციური კანდიდატებისთვის დეტალური, ამომწურავი ინფორმაციის მიწოდება და კონსულტაციის გაწევა უნივერსიტეტში ჩასარიცხად საჭირო დოკუმენტაციის, შერჩევის პროცედურისა და ორგანიზაციული საკითხების შესახებ;
• ჩარიცხვის პროცესში, სავიზო პროცედურებში, საზღვრის გადასაკვეთად აუცილებელი მოთხოვნების დაკმაყოფილების და საზღვარგარეთ მიღებული განათლების აღიარების მიმართულებით საერთაშორისო სტუდენტების მხარდაჭერის უზრუნველყოფა;
• საერთაშორისო სტატუსის სტუდენტების დოკუმენტაციის კანონმდებლობის მოთხოვნებთან შესაბამისობის დადგენის პროცედურისა და პირადი საქმეების ორგანიზება;
• პოტენციურ საერთაშორისო სტუდენტებსა და შესაბამისი ფაკულტეტის ადმინისტრაციას შორის კომუნიკაციის ხელშეწყობა კანდიდატების შესახებ სათანადო ინფორმაციის, დოკუმენტაციის მიწოდებისა და ონლაინ თუ ფიზიკური შეხვედრების ორგანიზების მეშვეობით;
• საკუთარი კომპეტენციის ფარგლებში უნივერსიტეტის შესაბამის სამსახურებთან მჭიდრო თანამშრომლობა საერთაშორისო სტუდენტების მოზიდვის პოლიტიკის მხარდაჭერისა და უნივერსიტეტის შესახებ საერთაშორისო ცნობადობის გაზრდის მიზნით;
• უნივერსიტეტის მიზნებისა და ამოცანების შესაბამისად დამატებითი უფლებამოსილების გახნორციელება, რაც გამომდინარეობს სამუშაოს სპეციფიკური ხასიათიდან.