“ევროპის უნივერსიტეტში” საჯარო ლექცია თემაზე – „ანტინარკოტიკული კამპანია“ გაიმართება

5 მაისს, 12:00 საათზე, „ევროპის უნივერსიტეტში“ სტუდენტთა და კურსდამთავრებულთა მომსახურების ცენტრისა და სამართლის, ჰუმანიტარულ და სოციალურ მეცნიერებათა ფაკულტეტის ორგანიზებით საჯარო ლექცია გაიმართება.

საჯარო ლექცია თემაზე – „ანტინარკოტიკული კამპანია“ თბილისის გლდანი-ნაძალადევის რაიონული პროკურატურის ინიციატივით ჩატარდება.

შეხვედრის მიზანია ახალგაზრდებში ცნობიერების ამაღლება ნარკოტიკებთან დაკავშირებული საფრთხეებისა და მათი პრევენციის მნიშვნელობის შესახებ.

ლექციას გაუძღვებიან გლდანი-ნაძალადევის რაიონული პროკურორი ლუკა გამყრელიძე და მისი მოადგილე დავით ხვედელიძე.

შეხვედრის ფარგლებში განხილული იქნება ნარკოტიკული ნივთიერებების ზეგავლენა საზოგადოებაზე, არსებული სამართლებრივი რეგულაციები და პრევენციის ეფექტური მექანიზმები.

მისამართი: დავით გურამიშვილის გამზირი 76, აუდიტორია 505

შეხვედრის დრო: 12:00 საათი

დასწრება თავისუფალია.