“ევროპის უნივერსიტეტში” ინფექციური პათოლოგიების მულტიდისციპლინური კონფერენცია გაიმართა
29 ნოემბერს “ევროპის უნივერსიტეტში“ მედიცინის ფაკულტეტის ორგანიზებით ინფექციური დაავადებების დეპარტამენტის კონფერენცია “ინფექციური პათოლოგიების მულტიდისციპლინური ხედვა – დიაგნოსტიკა, თერაპია, პრევენცია“ გაიმართა.
კონფერენცია “ევროპის უნივერსიტეტის“ რექტორმა ნინო ტალიაშვილმა გახსნა, რის შემდეგაც, დამსწრეებს სიტყვით “ევროპის უნივერსიტეტის“ მედიცინის ფაკულტეტის ინფექციური დაავადებების დეპარტამენტის ხელმძღვანელმა მაია ჟამუტაშვილმა მიმართა.
კონფერენციის თავმჯდომარეები იყვნენ:
- მარინა ენდელაძე – ევროპის უნივერსიტეტის პროფესორი, ინფექციური პათოლოგიის ცენტრის განყოფილების გამგე
- ზაზა ავალიანი – მედიცინის დოქტორი, ევროპის უნივერსიტეტის აფილირებული პროფესორი და პათოლოგიის დეპარტამენტის ხელმძღვანელი, ტუბერკულოზისა და ფილტვის დაავადებათა ეროვნული ცენტრის დირექტორი
- რამაზ ყურაშვილი – მედიცინის დოქტორი, ევროპის უნივერსიტეტის აფილირებული პროფესორი და ენდოკრინოლოგიის დეპარტამენტის ხელმძღვანელი, საქართველოს დიაბეტისა და ენდოკრინოლოგიური ასოციაციების კავშირის თავმჯდომარე, ჯანდაცვის სამინისტროს ექსპერტი ენდოკრინოლოგიაში.
კონფერენციას ესწრებოდნენ “ევროპის უნივერსიტეტის“ ვიცე რექტორები, მედიცინის ფაკულტეტის დეკანი, ფაკულტეტის ადმინისტრაცია, აკადემიური/მოწვეული პერსონალი და დარგის წარმომადგენლები.
დარგის ექსპერტებმა კონფერენციაზე წარმოადგინეს თემები:
- ტუბერკულოზის მართვის სახელმწიფო პროგრამა – მიღწევები, ინოვაციები, გამოწვევები და ახალი მიმართულებები.
- აივ ინფექცია-შიდსის ეპიდემოილოგიური მიმოხილვა საქართველოში
- მედიცინა და ხელოვნება – მარადიული ურთიერთკავშირი
- ცხიმოვანი ჰეპატოზის ულტრაბგერითი დიაგნოსტიკა და ხარისხობრივი შეფასება
- ციროზული და არაციროზული პორტული ჰიპერტენზია
- სტილის სინდრომი მოზარდებში
- ვისცერული ლეიშმანიოზის შემთხვევა
- დენგეს ვირუსის შემთხვევის აღწერა
- კავშირი ქრონიკულ ტონზილიტსა და EBV IGG, ASLO სეროლოგიურ ტესტებს შორის
- ტოქსიკური ჰეპატიტის მართვის ძირითადი ასპექტები
კონფერენციის მიზანი დარგის წარმომადგენლებს შორის გამოცდილების გაზიარება და თანამედროვე მიდგომების ყოველდღიურ პრაქტიკაში დანერგვის ხელშეწყობა იყო.
