ბათუმში სამეცნიერო ფესტივალზე “ევროპის უნივერსიტეტმა” სხვადასხვა ფაკულტეტის სიმულატორები წარადგინა

“ევროპის უნივერსიტეტმა” ბათუმში სამეცნიერო ფესტივალზე “საზღვაო ქვეყნის ლურჯი პოლიტიკა” მიიღო მონაწილეობა.

ფესტივალი საქართველოს განათლების, მეცნიერებისა და ახალგაზრდობის სამინისტროს მხარდაჭერითა და ბათუმის შოთა რუსთაველის სახელმწიფო უნივერსიტეტის ორგანიზებით გაიმართა.

ღონისძიების მიზანი ფართო საზოგადოებისთვის მკვლევართა მიღწევების და ინოვაციური მიდგომების გაცნობა იყო.

საგამოფენო პავილიონში “ევროპის უნივერსიტეტის” მედიცინის, სტომატოლოგიის და სავეტერინარო  მედიცინის ფაკულტეტები იყვნენ წარმოდგენილი.

ფესტივალს სკოლის მოსწავლეები და სხვადასხვა საგანმანათლებლო დაწესებულების სტუდენტები ესწრებოდნენ.

“ევროპის უნივერსიტეტის” პავილიონში წარმოდგენილმა სიმულატორებმა დიდი ინტერესი გამოიწვია, მონაწილეებს საშუალება ჰქონდათ, პრაქტიკულად განეხორციელებინათ მათთვის საინტერესო აქტივობები და მიეღოთ ინფორმაცია უნივერსიტეტის შესახებ.