29 ნოემბერს საჯარო სკოლის პედაგოგებისთვის უფასო ტრენინგი გაიმართება
29 ნოემბერს, 12:00 საათზე, „ევროპის უნივერსიტეტისა“ და „ევროპის ცენტრალური უნივერსიტეტის“ ორგანიზებით, საჯარო სკოლის პედაგოგებისთვის უფასო ონლაინ ტრენინგი – „გაკვეთილის დაგეგმვა და შეფასება“ გაიმართება.
ტრენინგს “ევროპის უნივერსიტეტის” აფილირებული ასისტენტ-პროფესორი, სწავლების ინოვაციური მეთოდების ტრენინგცენტრის ტრენერი მარიამ რამინაშვილი გაუძღვება.
ტრენინგი მიზნად ისახავს მასწავლებელთა პროფესიული უნარების გაძლიერებას ისეთ მიმართულებებში, როგორიცაა:
- გაკვეთილის ეფექტიანი დაგეგმვა
- SMART მიზნების ჩამოყალიბება
- შეფასების თანამედროვე მიდგომების გააზრება და პრაქტიკაში დანერგვა
ოთხსაათიანი სესია აერთიანებს თეორიულ ნაწილს, პრაქტიკულ სავარჯიშოებსა და საერთაშორისო გამოცდილების განხილვას.
მონაწილეები გაეცნობიან შეფასების სამ ტიპს (განმსაზღვრელი, განმავითარებელი, შემაჯამებელი) და დეტალურად შეისწავლიან, რატომ მიიჩნევა განმავითარებელი შეფასება თანამედროვე სწავლების მთავარ ღერძად.
ტრენინგი მოიცავს ორ პრაქტიკულ აქტივობას:
- გაკვეთილის დაგეგმვის შექმნა
- შეფასების რუბრიკის შედგენა
ტრენინგის ბოლოს მონაწილეები დაინახავენ, თუ როგორ შექმნან შედეგზე ორიენტირებული სასწავლო პროცესი.
ტრენინგზე დასასწრებად გთხოვთ გაიაროთ რეგისტრაცია ბმულზე: https://docs.google.com/forms/d/e/1FAIpQLSek9bjolGdJ4zz41AxmJAeh8V2IJo8sHxXM-MOH1JYrAJwZrw/viewform
მონაწილეებს გადაეცემათ ორენოვანი სერტიფიკატი.
