სტუდენტთა და კურსდამთავრებულთა მომსახურების ცენტრის ორგანიზებით, “ევროპის უნივერსიტეტსა“ და „Big Four”-ის წევრ, აუდიტორულ კომპანია EY-ს შორის, ურთიერთთანამშრომლობის მემორანდუმი გაფორმდა.
მემორანდუმი სტუდენტების დარგობრივი კომპეტენციის გაუმჯობესებას და მათი კვალიფიკაციის ამაღლებას ითვალისწინებს.
ურთიერთთანამშრომლობა ხელს შეუწყობს სტუდენტების დასაქმებას მათთვის საინტერესო მიმართულებით, რაც მათ პრაქტიკული გამოცდილების მიღებაში დაეხმარება.
EY ერთ-ერთი წამყვანი საერთაშორისო აუდიტორული და საკონსულტაციო კომპანიაა, რომელიც 150-ზე მეტ ქვეყანაში ოპერირებს და აუდიტორულ კომპანიებს შორის მსოფლიო მასშტაბით მესამე ადგილს იკავებს.
კომპანიის წარმომადგენლები სტუდენტებს უნიკალურ გამოცდილებას სთავაზობენ, რაც მათ კარიერულ განვითარებაში დაეხმარება.
