ჟან მონეს საზაფხულო აკადემია — მე-3 დღე: სანდოობა, ბაზრის ხელმისაწვდომობა, უსაფრთხოება

ჟან მონეს საზაფხულო აკადემიის „ევროკავშირის გაფართოება: თეორია, პრაქტიკა და თანამედროვე გამოწვევები” ფოკუსმა პოლიტიკურ პრაქტიკაზე გადაინაცვლა.

აკადემია ტარდება „ევროკავშირის გაფართოება: წარსული გამოცდილება მომავალი გადაწყვეტილებებისთვის” (EnlargEU — 101127859, 2023-2026) პროექტის ფარგლებში, ევროკავშირის თანადაფინანსებითა და თათია დოლიძის ხელმძღვანელობით.

დილის სესიაზე თინათინ ახვლედიანმა, Ph.D. (მკვლევარი, ევროპული პოლიტიკის კვლევების ცენტრი (CEPS); მოწვეული პროფესორი, ევროპის კოლეჯი; მოწვეული პროფესორი, თსუ საერთაშორისო ეკონომიკის სკოლა) სამოქალაქო მობილიზაცია გაფართოების სანდოობასთან დააკავშირა, განიხილა ერთიანი ბაზრის ხელმისაწვდომობა წევრობამდე და წარმოადგინა ევროკავშირის ფინანსური და ტექნიკური მხარდაჭერის ინსტრუმენტები კანდიდატი ქვეყნებისთვის — აჩვენა, როგორ აჩქარებს რეგულაციური დაახლოება და მიზნობრივი დახმარება პრაქტიკულ ინტეგრაციას გაწევრიანებამდეც კი.

მეორე ნაწილში მსჯელობა უსაფრთხოების თემაზე გადავიდა. ბიძინა ლებანიძემ, Ph.D. (იენა-კავკ პროექტის ხელმძღვანელი,  კავკასიის კვლევების ინსტიტუტი, იენის უნივერსიტეტი, გერმანია) წარმართა უსაფრთხოების პოლიტიკის კონკრეტული შემთხვევების ანალიზი და განიხილა რუსეთის დესტრუქციული სტრატეგიები, ხაზი გაუსვა ჰიბრიდული საფრთხეებისა და მედეგობის როლს ევროკავშირის გაფართოების პროცესში.

დღე თათია დოლიძემ,Ph.D. (ჟან მონეს მოდულის კოორდინატორი; ასოცირებული პროფესორი და საერთაშორისო ურთიერთობების პროგრამის ხელმძღვანელი, ევროპის უნივერსიტეტი საქართველო) დაასრულა — განიხილა გარდამავალი პერიოდი „გაფართოების დაღლილობიდან” „დაჩქარებული გაწევრიანების” მიმართულებით, განაანალიზა ეტაპობრივი ინტეგრაცია და პირობები, რომელთა შემთხვევაშიც სიჩქარე და სანდოობა ერთმანეთს განამტკიცებს.

აკადემიის ონლაინ ნაწილი გრძელდება 29 აგვისტოს ჩათვლით, ქართველი და ევროპელი ექსპერტების ყოველდღიური ლექციებით.