3 აპრილს, “ევროპის უნივერსიტეტში”, ერაზმუს+ საერთაშორისო კრედიტ-მობილობის პროგრამის ფარგლებში, საჯარო ლექცია თემაზე, “ციფრული ჯანდაცვის როლი დაავადებების პროფილაქტიკაში, ადრეულ დიაგნოსტიკასა და მკურნალობაში” გაიმართება.
ლექციას “ტოკატ გაზიოსმანფაშას უნივერსიტეტის” ასოცირებული პროფესორი, გონჩა კურტი, წაიკითხავს.
შეხვედრაზე განხილული იქნება ციფრული ჯანდაცვის როლი და თანამედროვე სამედიცინო ტექნოლოგიების მნიშვნელობა.
ლექცია ინგლისურ ენაზე წარიმართება და დასწრება ნებისმიერ დაინტერესებულ პირს შეეძლება.
დრო: 12:00 საათი
მისამართი: „ევროპის უნივერსიტეტის“ B კორპუსი, დ. სარაჯიშვილის გამზირი 17, აუდიტორია 401.
